JINSI YA KUPOTEZA UPEKEE WA MWENZA WAKO

‘’Ninatamani mke/mume wangu angekuwa kama fulani, ninatamani ndoa yetu ingekuwa kama kina fulani , kama tungekuwa na kitu x kama kina fulani tungekuwa … ni baadhi ya maneno ya wanandoa ambao hawajui kuwa maneno kama hayo huwa ni sumu kwenye mahusiano yao.

Katika mahusiano ya ndoa, kama wanandoa wakishaanza kulinganishana na wengine, yaani kila mmoja anatamani mwenza wake angekuwa kama fulani hapo ndiyo mahali unapoanza kupoteza upekee wa mwenza wako.

Njia rahisi ya kupoteza upekee wa mwenza wako ni kumlinganisha na mwingine. Natamani ungekuwa kama fulani, ni maneno ambayo yanapoteza nguvu sana na kufanya wanandoa kuwa dhaifu. Kamwe usimlinganishe mwenza wako na mtu mwingine.

KAVA IJUE NJAA YA WANANDOA

Tambua kuwa kila mtu ana upekee wake, na ukianza kulinganisha mwenza wako na mtu mwingine ni kumfedhehesha kama siyo kumkosea heshima. Unapomlinganisha mwenza na mtu mwingine ni rahisi kumpotezea nguvu ya kujiamini.

Na kama unavyojua binadamu ni viumbe wa hisia, unapomlinganisha anajihisi kutothaminiwa na hitaji la kila mwanadamu ni kuhisi anathaminiwa.

Ni rahisi kupoteza ladha ya mahusiano yenu pale unapoanza kumfananisha mwenza wako na mtu mwingine. Kama vile chakula kilichokosa chumvi kinakuwa hakina ladha ndivyo ilivyo kwa mahusiano yetu pale tunapokuwa tunataka wenza wetu wawe kama kina fulani tunakuwa tunapoteza tena ile ladha au upekee wao juu yetu.

Huwezi kumpata mtu aliyekamilika kwenye kila eneo la maisha yako, hata wale ambao unawatamani wawe kama mwenza wako nao wana mapungufu mengi tu kushinda hata ya huyo mwenza wako.

Inabidi ifikie mahali urudi kwenye lengo lako kuu la ndoa au mahusiano yenu, kuna kitu ambacho kilikuvuta kwa mara ya kwanza mpaka ukawa na huyo ambaye unaye leo hii hivyo basi siku zote angalia hilo.

Jiulize ilikuwaje au nini kilichokufanya uwe na mwenza uliye naye sasa? Ukiwa ni mtu wa kujihoji utakua na maana kwenye maisha yako ya ndoa lakini mtu ambaye hajioji hana sababu ni mtu ambaye tayari amepoteza maana ya maisha ya ndoa. Lazima uwe na sababu kwenye kila kitu, kwanini unafanya hicho unachofanya sasa unapokuwa na sababu basi unakuwa na maana lakini ukikosa sababu unapoteza maana.

Hatua ya kuchukua leo; usimlinganishe mwenza wako na mtu mwingine yeyote yule. Kumbuka mwenza wako ni wa pekee sana hawezi kuwa kama wengine na unapomlinganisha jua unauwa upekee wake.

Siku zote angalia sababu iliyokufanya uwe na huyo ambaye unaye leo. Usitamani ya watu bali mtengeneze mwenza wako awe vile unavyotaka awe na kwa upendo na umoja mtaliweza hilo.

Hivyo basi, wakati mwingine tunatakiwa kuchukuliana kwenye maisha ya ndoa, tuwavumilie wenzetu kadiri ya madhaifu yao, tuangalie mazuri yao na kuyatumia vema , lakini tukiweka fokasi yetu kwenye mabaya tutazidi kuona mabaya yao kila siku na mwisho wa siku mtachokana haraka.

Maisha ya ndoa ni maisha mafupi sana hivyo ni vema mkapendana kwa muda kwani wengi mnakutana tayari mmeshakuwa watu wazima na mkiishi mtaishi kwa muda tu kumalizia safari ya maisha yenu hapa duniani.

MAHARUSI WALIOTUMIA DOLA PEKEE WAANDALIWA HARUSI YA KIFAHARI KENYA

JE , NDOA NI "KUPATA JIKO" MCHUNGAJI AZUA ZOGO ABUJA

PAPA FRANCIS KUTOA TAMKO MUHIMU KUHUSU NDOA

KWANINI NDOA ZA SASA HAZIDUMU ?

 Brigedia Generali mstaafu Francis Mbena,mwenye umri a miaka 86 alifunga ndoa akiwa na miaka 25 ,mwaka 1965

 

Imezoeleka kwamba ndoa za kikatoliki zikifungwa zimefungwa

 pamoja na sharti hilo ,viwango vya ndoa zinazovunjika zinaendelea kuongezeka na kufuatia hali hiyo,kanisa katoliki limeamua kuanzisha tuzo maalumu kwa wandoa wakongwe zaidi kwa mwaka huu katika kanisa hilo.

Kanisa Katoliki jimbo kuu la Dar es salaam wameandaa kliniki ya ndoa ili kuweza kuwapa fursa wanandoa kuimarisha ndoa zao kiimani,Padre Novatus Mbaula ambaye ni mkurugenzi wa ndoa na familia anaeleza lengo la kliniki hii ni kuwapa nafasi wanandoa wa katika makundi mbalimbali kukaa pamoja kupata neno la Mungu na kuweza kuongea juu changamoto zao mbalimbali kuongea kuhusu maisha yao ya ndoa.

Ni nafasi ambayo wanandoa ambao wana uzoefu mkubwa katika ndoa wanaweza kuwafaidisha wanandoa wachanga lakini pia changamoto katika ulimwengu wetu wa sasa changamoto bado ni zilezile.

 Pesa zimeharibu ndoa nyingi 

Miongoni mwa watu waliohudhuria kliniki hii ni wanandoa wenye ndoa yenye miaka 61,brigedia Generali mstaafu Francis Mbena,mwenye umri a miaka 86 alifunga ndoa akiwa na miaka 25 ,mwaka 1965 Juni,anasema wao zamani walikua wanafuata mtu na familia gani na ina vigezo gani?

Walikua wanaangalia tabia kama msichana hana tabia nzuri huoi huko; kama familia ina watu walevi uwaendei na unatafuta familia yenye watoto wenye tabia nzuri ili na wewe uweze kupata watoto wenye tabia nzuri.

Wakati mke wake ambaye ni Maura Stephen Mbena ambaye anasema asili yake ni Nyoni,yeye anasema ukiweza kumvumilia mwezako na ukamsamehe basi unaishi tu maana kukwaruzana kupo hakuishi na kikubwa ni kuvumilia.

Na katika mila na desturi za kabila yake ya wangoni, msichana kabla hajaolewa anaanapewa maneno na wazee ambao wazazi wako wamewaamini wanakupa msafara wote wa maisha ya ndoa,kwamba unapokwenda kuna matatizo pengine wakwe zao hawatakupenda au hautafanya vizuri kule na wanakupa muelekeo wa maisha ukavumilie na ukafanye hivi hivi lakini kikubwa sana ni sala.

Ndoa ni maisha yenye tafsiri nyingi,Bwana na bi.Alphonce Hurick walioko kwenye kipindi cha mwaka mmoja wa ndoa,wao wanaona maisha ya ndoa ni maisha yenye furaha,amani na upendo na ni maisha tofauti kabisa wakati kila mmoja akiishi peke yake peke yake,kwani hata kama una msongo wa mawazo kama ndoa yako ina furaha basi hayo matatizo yanakuwa hayapo kama ndoa yako ina upendo.

   

Kanisa Katoliki jimbo kuu la Dar es salaam wameandaa kliniki ya ndoa ili kuweza kuwapa fursa wanandoa kuimarisha ndoa zao kiimani 

Bi.Kigadie ambaye yuko kwenye ndoa kwa miaka 46 na miezi mitano anaeleza jinsi walivyoingia kwenye ndoa na jinsi vijana wanavyoingia kwenye ndoa katika miaka ya sasa.

Anasema wengi hawakupata mafunzo ya kujua uchumba ni nini maana mapema mno wanageuza uchumba kuwa mme na mke kabla hawajapata sakramenti ya ndoa,sasa hilo ni tatizo ambalo wanajikuta wamepata ujauzito sasa ndoa inakuwa ya shuruti unaweza kuwa hata bwana alikuwa hana nia ya ndoa zaidi ya tamaa za kimwili na kimaisha.

CHANZO  CHA   TAARIFA:  BBC  SWAHILI, 09/06/2016