NIFANYEJE NIMFURAHISHE MKE WANGU AU MPENZI WANGU ?

Hakuna   fomula  au    kanuni   maalumu    unayoweza    kuitumia     kwa  kudumu  katika   NDOA  au   MAHUSIANO  YA  MAPENZI . Aidha   unapokuwa   katika   NDOA  au   katika  mahusiano  ya  KIMAPENZI  kila  siku  inayopita    hali   huwa    tofauti. Na   unachotakiwa    KUJIFUNZA   ni  kuwa    NDOA   au  MAHUSIANO YA   KIMAPENZI  ni   kama  MCHE  wa  bustanini    unaotakiwa    KUUPALILIA   na    KUUMWAGILIA   MAJI   na   kuhakikisha    haushambuliwi   na   WADUDU, MAGUGU , UKAME n.k.

         JIULIZE   ni  kiasi  gani    wewe    binafsi   umekuwa      ukiiangalia   NDOA     yako   kama    bustani  na     kiasi   gani   umehakikisha     kuwa      wewe   hujawa   chanzo    cha   MAGUGU , WADUDU  na   UKAME  unaokwaza   uhusiano  wako   wa  NDOA  na  FURAHA    ndani    ya   nyumba.  Kumbuka   ndugu  yagu   wewe   unaishi  na    binadamu. Huishi   na  mnyama    ambaye  hatafakari  kile     unachokifanya.

    Ni  kawaida    ya  wanaume   wengi    KUJIFIKIRIA  wao   wenyewe  katika   mahusiano   yao    ya   NDOA. Wakisha  maliza   hamu    yao ya   TENDO LA   NDOA  basi   hutafuta   shuka   na    kukoroma    bila     kuhakikisha   kama  wote     mmeridhika   au    hapana. NI    KWA    NDOA    YAKO     NA   MAHUSIANO   YAKO.

    NIKUULIZE   SWALI   NDUGU  YANGU !  Je, kuna   wakati     wewe    na  mke   wako  au  mpenzi   wako mnafanya    MAWASILIANO    juu   ya    namna    ya    kuboresha    MAHUSIANO    yenu    yaani   TENDO   LA  NDOA ?  NI    TENDO   LA   MUHIMU  SANA  KATIKA   KUIMARISHA    NDOA. LIJADILIWE  LISIACHWE  TAFADHALI !

    MAANA  YA  MAWASILIANO    NI  NINI ?  Unapokaa   chini  na    kumuuliza    mwenzio   juu   ya   kama   ameridhika  au   hapana   na   kuwa  ufanye  nini   ili     aridhike   unaonyesha    dalili    ya  kuwa   UNAMPENDA , UNAMJALI  na  kuwa    unataka   apate   FURAHA   ile   ile    unayopata   wewe.  Lakini   hii   ni  wanaume   wa  kiafrika    bwana   unakuwa   kama---------ndivyo    tunvyotukanwa    na  wapenzi   wetu. 

NDUGU   yangu   usifikiri    VIBAKA     wanaokuibia    MKE  WAKO    wanafuatwa    kwa  sababu  gani  ? -------ni  kwa   sababu  wanajitahidi     kuwaridhisha      WANAWAKE  zenu   ambao     nyie    huwaacha   na  njaa   kila   siku.

      Unapofanya   mawasiliano    uelewe    kuwa     unasaidia    kutoa   nafasi   ya  WEWE    KUELEWEKA    ZAIDI.  Utakuwa    unajipatia   FURSA   ya    kumweleza    MPENZI  wako   ni   wakati   gani   hujisikii  kabisa . Na      mwenzio   atakuelewa .  Usiseme  kuwa   yeye    si   anaona     MIMI    nimerudi   saa   tano     usiku , si   anajua   nitakuwa   NIMECHOKA . SIO   KILA   MTU      ANAPOCHELEWA   KURUDI   KUTOKA  KAZINI  ANAKUWA   AMECHOKA . MWELEZE   KUWA   HUJISIKII   NA   TOA    SABABU  ZA   KUELEWEKA. TUZINGATIE  SANA  HILI  WANANDOA  AU WAPENZI.

       Kama   unaona    kuwa   huwezi    kwenda    sambamba   na    mahitaji   ya   mpenzi   wako    ya  mahusiano   hayo   basi   FANYENI  UTARATIBU   WA    KUWA   NA   RATIBA. Kuwa   ijulikane    siku   fulani   itasaidia    na     baada  ya  wiki   we    BWANA  au  MKE  urudi  mapema    au   usitafute   visingizi. Huenda   hii   itasaidia   na  baada    ya  hapo    mnaweza   kuanza   taratibu     kutafuta   namna    ya    kuongeza    siku     na   kuboresha   mahusiano   yenu.

  JE,  NIFANYEJE   ILI  NDOA  YANGU    IDUMU ?   Kabla  ya   KUOA  ni   lazima    kujua  nini  LENGO   lako   la  kutaka  KUOA. Kama   UNAOA  bila  MALENGO   basi   kwako  kijana  litakuwa   ni  TATIZO  KUBWA  na  MIGOGORO ISIYOISHA. Unapokuwa   na   MALENGO  kabla  ya   KUOA  unakuwa    umeshatayarisha    NYENZO  na   MBINU  za   namna  ya   kuyafikia  MALENGO   hayo.  Kwa   hiyo  kama     LENGO  mojawapo   la   KUOA    ni   kupata    mwenzi  wa   kudumu wa   maisha    basi   ni  lazima  utakuwa   umetayarisha  MBINU  ZA  NAMNA ya     kufanya   mapenzi   yenu  yadumu. KAMA   unataka   KUOA  basi  huna   budi     kufanya   matayarisho  ya    kuwa   MUME.    

   Yaani   wewe  ni   MWANAUME     lakini  inawezekana   hujui  nini   ukifanye   ii   jamii    na  MKE   akuone   kuwa   ni  mkweli   unafaa  kubeba  sifa  ya  MUME. Kama   bado   hujajua  inakuwaje   basi   unapaswa   kwenda   shule   na   kuhudhuria   SEMINA   mbalimbali  za   NDOA.

ANGALIZO: Unapokuwa   MUME  au   MKE   unapaswa  kuachana   na  TABIA   ambazo  ulikuwa   nazo   kabla  ya   KUOA   au   KUOLEWA. Ukiona   unakuwa   na  majukukmu   mgongoni  mwako  na   unakuwa  na  mtu   anayekutegemea   saa  zote.Naye  hakutegemei  kwa  chakula  tu, anakutegemea   kwa  MALAZI, KWA  ULINZI   WA   MWILI   na   ROHO   na     unakuwa   kimbilio   lake  kila   unapopatwa   na   matatizo. UPWEKE , UCHUNGU  WA  ROHO   na  kadhalika.

ANGALIZO:  KWA   WANAUME .Je,  wewe  umejitayarisha   kuwa   kimbilio  la   mpenzi   wako   katika    hali  mbalimbali   au    wewe  tu  ndiye     unayetakwa    kuwa    mtu  anayetunzwa.

Unapokuwa   MUME    unapaswa   kujua   kuwa  MKE   wako alipokubali    KUOLEWA   na   wewe  alikuwa   na  MALENGO. Ni    MALENGO  gani  hayo.Tafadhali   unapaswa  kuchunguza   na  kuhakikisha   kuwa  MALENGO   hayo    yanafanana   na  yale   ya  kwako    na  kama    hayafanani   ni  namna  gani     unapanga    kuyarekebisha   ili  muweze    kwenda  pamoja   katika  MTIZAMO. Na  kama   ni   MALENGO   mazuri   hauna   budi     kuhakikisha    kuwa   unamsaidia    katika   kuyafanikisha.Kama   yeye    atafanikisha    LENGO  zuri   alilojia   katika  NDOA   basi   una  uhakika   kuwa  MAISHA   yenu   yatakuwa   hayana   matatizo    na  UTADUMU  NAYE.

MAKALA  hii  imeandikwa  na   MWL.  JAPHET    MASATU, anapatikana  kwa  EMAIL: japhetmasatu@yahoo.com.    Call/ WhatsApp  + 255 755 400 128 /  + 255 716 924 136. Mshirikishe  mwenzako. Kama  una   swali   lolote uliza  karibu   tujadiliane  tutafute  ufumbuzi.