HASIRA KATIKA NDOA.

MWANAUME  na   MWANAMKE  wanaweza     tu      kuridhishana    katika   uhusiano  wao   kama   kila    mmoja   atahusika   kikamilifu    kufanikisha   UHUSIANO  huo , hali   kila   mhusika   akizingatia   kwamba    kuna   wakati   ambapo   kunaweza    kukawa    na  DOSARI.

    Jambo   la    msingi   katika   katika   uhusiano   wao   ni  HESHIMA. Kila  mmoja   amheshimu   mwenzake. Kwa   kawaida  pale   ambapo    hapatakuwa   na   HESHIMA   ina   maana   kila   mhusika   hafahamu    MAHITAJI   YA   MWENZAKE.

     MUME   au  MKE , anaweza    akawa   hafahamu   nini    mwenzake   anahitaji, matokeo  yake, CHUKI  huweza   kujitokeza  katika   NDOA, hatimaye   wanaweza  KUTENGANA  kwa   sababu   ya   HASIRA   au  sababu   nyingine    yoyote.

        Sizungumzi   kwa   NIA   ya   kutoa    kipaumbele    kwa     MAHITAJI  YA   TENDO  LA  NDOA   zaidi, kwani    MWANAMKE  na   MWANAUME    HUOANA    hali   kila   mmoja   akifahamu   bayana   kile    kinachoendelea   bila   kukizungumzia.

  Hakika    kuelewa    huko   hakuwezi    kuwepo   wakati   wote ,kwani    wakati   mwingine   mtu   hawezi   kuelewa     MAHITAJI  YA  MWENZAKE hadi   aambiwe    na   hata  akiambiwa   hawezi    kuelewa   mara  moja.

  Mke anaweza   akawa    na  dhana  kuwa    kama   kweli   MUMEWE    anampenda , ni   LAZIMA   AFAHAMU   MAHITAJI  YAKE. MUME   anaweza   akawa    anampenda  sana    mkewe ,  lakini  asijue    kile   kinachosababisha   AKASIRIKE , AHUZUNIKE  au   kuwa   na  HASIRA. Anaweza   tu   kufahamu   kuwa   uhusiano   wao   si  mzuri   kwa  sababu   ya  HASIRA.

     Watu   wengi   HUOANA  bila    kuzingatia   umuhimu   wa    KUHESHIMU   MAWAZO   YA   WENGINE , mbali   ya    kujifunza   KUPOKEA   na   KUTOA.Kutakiwa    kutoa     maelezo   haina   maana   ya    kutokuwepo   kwa  UPENDO  au   maelewano   baina  ya   WAPENZI , wala   isidhaniwe   hivyo.

   UHUSIANO   MZURI   ni    ule   ambao  ni   zaidi   ya  maneno  matupu.Mbali   ya    MAWASILIANO  ya    mdomo , ni  lazima   wahusika   wabadilishane   mambo   ambayo   si  ya    kuzungumza.KILA   MMOJA   ATOE   MAWAZO   YAKE    NA   YASIKILIZWE , YAWE   YA  KIMAPENZI, CHUKI  AU  HUZUNI.

WENGINE   hudhani   kuwa    HISIA   ZA   CHUKI  humaanisha  kuwa   UHUSIANO  umeingia  DOSARI. Dhana   hiyo    si  sahihi. Watu   wa   namna   hiyo  huwa  na  mawazo  ambayo   si  sahihi  na   kudhani   kuwa     kama   UNAMPENDA  fulani ,  hamwezi   MKAKASIRIKIANA. Si    kweli   ndugu  yangu. Ni  ishara  ya  ukomavu katika  mahusiano. KUGOMBANA   katika    MAHUSIANO   ni jambo   la  kawaida  USIOGOPE . KAA  NA  MWENZAKO   NA   MUONGEE  ILI  KUTATUA   MIGOGORO   ILIYOPO  KATI   YENU.

HISIA   ZA  HASIRA   huweza   kusaidia   kupunguza  fukuto  la  chuki  ambalo    huweza   kuwa  nalo.Huweza    kutokea   maudhi   baina   ya   watu    wowote    wenye   UHUSIANO , lakini  ni  vizuri    kulizungumzia   jambo  lolote    linalokuudhi   kuliko   kuliachia   libakie    ndani   ya   MOYO  wa   mtu , kisha   lisababishe    KUTENGANA.

   Hata  hivyo, watu   wanaamini   kuwa  ni   lazima   watarajie   kuona   mambo  fulani   yakitokea   katika  NDOA , ambayo   kwa  kawaida   hayatokei  au hayatokei  mara  moja. Hivyo , kutokana   na   kupungukiwa  UZOEFU , MUME  au   MKE   huweza  kuwa  na   WASIWASI  juu  ya   kuridhishana  kwao.

   Kuna   WANAUME  ambao  wanadhani   kuwa   lazima  kila  wakati   wawaridhishe  wake  zao , na  kwamba , pale   wanaposhindwa   kuwaridhisha   wanafanya  kinyume  na  WAJIBU  wao. Katika  hali  halisi , hakuna   MTU  anayeweza   kumridhisha  mwenzake  wakati  wowote  ule   na   kwa   namna   yoyote  ile  kwa  sababu    sisi  si  MALAIKA. TAMBUA  HILO.

   NDUGU  YANGU  nilianza   mapema   kuzungumzia  kuwa  HESHIMA  ndiyo   jambo  la   MSINGI  katika  kufanikisha   UHUSIANO  WA  MUME   NA  MKE.Ina   maana  kila  mmoja   awe  tayari   KUMSIKILIZA  MWENZAKE  na   KUAMINI  kuwa  kile   ambacho   mwenzake   anazungumza  NI  MUHIMU.

ANGALIZO  KWA  MUME    NA  MKE –Watu  hawapaswi   kudhani  kuwa  kila  jambo   litakwenda  safi  mara  tu  baada  ya   KUOANA. Michezo   ya  kuigiza , picha  za   filamu  na  habari   zinazotolewa   kwenye   televisheni   huweza   kuishia   huko , lakini  kazi   ya   NDOA  huanzia  huko.

KAZI  KUBWA   ni   kuzingatia  HESHIMA, USHIRIKIANO, MAWASILIANO  na       MAELEWANO. Hayo   katika   mahitaji   yote   ya  NDOA  ni   muhimu , likiwemo  TENDO   LA   NOA  ambalo   huweza   kufikia   kiwango   cha     kuridhishana   zaidi   kadri   MUDA   unavysonga   mbele , badala  ya    kuwahi    sana    kuruhusu     mawazo   ya  KUSHINDWA.

WATU   hawazaliwi   wakiwa   wanafahamu   kila   jambo   ambalo  ni  lazima lifahamike .Hawapaswi   kutegemea   MAFANIKIO  ya   mara    moja   kwa  sababu   yanahitaji  MUDA    na   KUFANYA   KAZI  KWA  BIDII.

Asante  kwa   kusoma  MAKALA  hii . Mshirikishe  mwenzako. Mungu  akubariki.

MWANDISHI  wa  MAKALA  hii  ni  MWL.  JAPHET   MASATU , anapatikana  kwa  EMAIL :  japhetmasatu@yahoo.com. Mobile no / WhatsApp  + 255  755 400 128 / + 255 716 924 136. Kwa  USHAURI , MAONI  Tuwasiliane.